香港新浪網 MySinaBlog
« 上一篇 | 下一篇 »
UncleRay | 13th Apr 2010 | 我看時事 | (584 Reads)

今天早上從報紙看到這樣的新聞:

樓盤廣告誇張失實,避風塘繪畫成蓬萊仙境,牛池灣說成飛鵝山,誤導買家。消費者委員會過去三年收到 20宗針對樓盤廣告的投訴,總幹事劉燕卿指,發展商將新盤包裝成豪宅的情況越來越嚴重,「賣幾百萬咁貴,自然用多啲『創意』吸引人。」

......

有市民梁先生被廣告吸引,買入信和置業的火炭區新盤御龍山 17樓一個單位,入伙後發現跟現實有很大出入。原來信和在售樓書廣告插畫中,將御龍山附近整個工廠區、馬會宿舍與沙田污水處理廠全部抹掉,改畫為綠樹林蔭。梁先生入伙後才知居住環境很嘈吵,跟廣告描繪的恬靜環境完全不符,忍無可忍下,早前將單位放售,舉家搬走。

晚上看電視新聞。有電器店售貨員誇大抽氣扇轉數,被政府拘捕,並判監十星期。

兩件事中賣方都是誇大失實。但涉及小數目金額的小店員要拉,售賣幾百萬單位的大地產商就乜事都無。我是為那位店員感覺很不值,同時覺得社會變得很荒謬。之前見到有網主認為社會不和諧主因是"來自泛民政黨, 工會及傳播媒體的煽動, 其次是政府過份退讓, 造成一個社會的錯覺, 以為只要使用激進的手段就可以達到目的。 " 我看這個人只是把頭埋在沙堆中,完全看不到社會上發生的事。又或是良心已經被野獸吃掉。


恭喜﹗

這篇文章已被新浪編輯採用,成為 新聞 頻道的內容。

你可以按以下連結閱讀:
http://news.sina.com.hk/cgi-bin/nw/show.cgi/1128/1/1/1489467/1.html

感謝你的分享﹗
期待你的好文章﹗

MySinaBlog Admin

[10] Re: The suffocated
The suffocated :
竊鉤者誅,竊國者侯也。

can't think of a better comment than this.

其實大陸打黑打貪都係一樣,永遠都係打小貪官,拉唔到大老虎。咁多領導人仔女係大集團主席,佢地何來咁多錢?就係永遠都唔會燒到佢地身上。


[引用] | 作者 waddle | 16th Apr 2010 | [舉報垃圾留言]

[9]

竊鉤者誅,竊國者侯也。


[引用] | 作者 The suffocated | 15th Apr 2010 | [舉報垃圾留言]

[8] Re: 浪子m
浪子m :
"來自泛民政黨, 工會及傳播媒體的煽動, 其次是政府過份退讓, 造成一個社會的錯覺, 以為只要使用激進的手段就可以達到目的。”邊個講架?

你咪話,真係好多人信架!
正如真係有八十後真心但無知地同我講覺得今時今日仲要求平反六四係添煩添亂。


[引用] | 作者 LB | 14th Apr 2010 | [舉報垃圾留言]

[7]

哈哈哈,買件電器,沒有人會實地試機,所以功能描述一定要真,但買樓,居然有人不實地視察就買,理應給他們一個教訓,見報了,更可以教育大衆。投資經紀都說一定賺,也沒有人理會是否真實啦!吖,又對,那小店員,真是不幸:P


[引用] | 作者 嚴明 | 14th Apr 2010 | [舉報垃圾留言]


你是認為賣價樓的地產商是在為社會做事,進行教育的工作?咁駛唔駛頒個獎給他們表揚一下?

[引用版主回覆] | 作者 UncleRay | 14th Apr 2010

[6]

講到社會和諧不和諧,我覺得市民真係要多d發聲甚至行動(我指如遊行之類的理性行動),因為我覺得依家既香港根本就係"溫水煮蛙",依家社會越來越多不公義既情況浮現,如果市民仲唔主動d申訴,那肯定係坐以待斃的.


[引用] | 作者 純純男子漢 | 14th Apr 2010 | [舉報垃圾留言]


不少人認為遊行是很"激"的行為。

[引用版主回覆] | 作者 UncleRay | 14th Apr 2010

[5] Re: UncleRay

唉...我真的真的(x10000次)好憎那些無良地產商呢...
d死人樓己經貴到要俾幾百萬供幾十年先叫供得完,d死人地產商唔該就貨真價實d啦...又發水樓,又名,景不符實...不知所謂~!
雖然政府最近好似"做野",對d地產交易追得好緊..但係我覺得咁只係做樣..對地產商毫無威脅的..!
講真,我都唔明政府點解會容許發水樓的..錢就俾足,樓得7成...理由就話俾到公共空間市民,但又個個受惠到咩!?又個個想要咩!?咁唔通d果汁話就話用環保物料造,可保護地球,保障到市民健康,咁佢地又可以申請"發水樽",標就350ml,實質只有300ml咩~!?
最近又睇到新聞講香港同新加坡對比..都係欲哭無淚的..人地政府視房屋為必須品,所以政府提供好多房屋俾市民,市民可以用平d既錢,買到比香港更大既樓...人地人口同地方都同香港差唔多..但人地都做到人人買得起樓,唔駛做樓奴..但我地就慘了..


[引用] | 作者 純純男子漢 | 14th Apr 2010 | [舉報垃圾留言]


我想個個人看到新加坡的房屋情況,都會很羨慕。不過那邊是很家長式管治的地方。

[引用版主回覆] | 作者 UncleRay | 14th Apr 2010

[4]

檢控小市民容易,要告地產商,事前的資料搜集、證據、程序一絲也不能出錯,但當中最重要的一點是,政府寧得罪市民,也未必敢向地產商動刀

L
[引用] | 作者 L | 14th Apr 2010 | [舉報垃圾留言]

這是一個為人民服務,還是為地產商服務的政府?

[引用版主回覆] | 作者 UncleRay | 14th Apr 2010

[3]

地產商將樓盤描寫得盡善盡美, 已經係人人都知的事, 那位梁先生無乜理由唔知.

PE 傅
[引用] | 作者 PE 傅 | 13th Apr 2010 | [舉報垃圾留言]


梁生知唔知係一件事,地產商如此騙人而不用受罰是另一件事。

[引用版主回覆] | 作者 UncleRay | 14th Apr 2010

[2]

分化如此, 所以你話, 喺香港, 唔 X 點得?!


[引用] | 作者 梁巔巔 | 13th Apr 2010 | [舉報垃圾留言]


你快d發番火la!!!

[引用版主回覆] | 作者 UncleRay | 14th Apr 2010

[1]

"來自泛民政黨, 工會及傳播媒體的煽動, 其次是政府過份退讓, 造成一個社會的錯覺, 以為只要使用激進的手段就可以達到目的。”邊個講架?


[引用] | 作者 浪子m | 13th Apr 2010 | [舉報垃圾留言]


精選文章來的。

[引用版主回覆] | 作者 UncleRay | 14th Apr 2010