香港新浪網 MySinaBlog
« 上一篇 | 下一篇 »
UncleRay | 6th Jul 2009 | 我的生活 | (3271 Reads)

家中用的是和記電訊(對,名字也不掩飾了)。過去兩個月內它們的服務不停出現問題,電話不能打出和打入,六月份我更要作四次的投訴。每次它們都要在機樓作出一些信號調整,又或改變一些"位址",才解決問題。

上星期六家中電話又打不通,我決定和它們終止合約,但原來這也不是一件容易的事。以下是我過去打去和記電訊1220的客戶服務熱線和他們對話的經驗,情形幾乎令我痴線。

電話接通後:

Case 1

我:我想終止合約。

對方:對唔住,我地這邊只是維修部,不能夠幫你。

我:但我明明是按鍵找客戶服務部的。

對方:係ga,有時候他們那邊太忙,線路係會轉過來我們這一邊的。

我:咁麻煩你幫我轉過去客戶服務部那邊。

對方:對我住,我地係做不到的。請重新打過電話,然後安abcdef

Case 2

我:我要終止合約。

對方(客戶服務部):請問有甚麼問題?

我:我的電話不能打出打入....

對方:咁你要同維修保傾,我同你轉過去。

我:但我才在那邊打過來woh!

Case 3

我:我要終止合約。我已經同你地維修部說過,係你地機樓情況不穩定。

對方(客戶服務部):我會把你的要求記下,然後叫"客戶關注組"的同事在24小時內給你回覆。

我:點解我不可以現在終止合約?

對方:這是要由"客戶關注組"的同事處理。

我:咁麻煩你給我他們的電話,等我直接打給他們。

對方:對唔住,我地係唔可以咁做。

我:咁你地客戶服務部做些甚麼?

對方:我地係會把你們的問題轉交給”客戶關注組”的同事。

Case 4

我:我要和你的經理對話。

對方:對唔著,經理在開會/行開/放假/很忙碌,不能夠接聽你的電話。

Case 5

我:我電話經常有問題,我要投訴。

對方:對唔住,我只係負責寬頻的事務。

我:那你給我轉給負責家居電話的同事。

對方:他們都很忙,不如你稍後才打過來。

我:我唔介意等。

對方(五分鐘後):對唔住,我們同事還是不能接聽。

我:我可以等,不過我話你知,我可能會用另一個電話打來,不要到時候我可以找到負責家居電話的同事接聽。

對方:那真是可能的事,因為他們會快一點接聽外邊打入的電話。

我:有無搞錯,這是甚麼的理由。你地咁做直係想客戶快點收線Jeah!


[36]

[35]

您的网站是很好的,我喜欢你的网站。



[34]

您的网站是很好的,我喜欢你的网站。
多的信息。
谢谢



[33]

真的好差!極之差!!!!!!!!!!!!!!!!
情況同你一樣!!!!!!!!!!!!!!
垃圾公司!!!!!!!!!!!!!!!!!!!!!!


[引用] | 作者 KAAAAT | 3rd Apr 2015 | [舉報垃圾留言]

[32]

写作的美是很难获得的,但你是那么容易实现的。祝贺您



[31] 消費者委員會

我經歷比你緊加嚴重,吾洗同和記講咁多野,打去消費者委員會TEL:2929 2222
佢吾做野就你做野,最重要一樣野,你係比左錢,如果妳比左錢佢無服務比你,妳正常比左錢,係咪耍有服務, 如果比左錢無服務就直接同消費者委員會投訴佢比左錢比吾到服務你,當你發覺佢比吾到服務你,而佢地又"發現吾到"而且吾理你,你就可以直接做野吾需要再同和記講,同消費者委員會投訴吧(要記住,錢係你比,服務係佢比你)


[引用] | 作者 G | 24th Mar 2014 | [舉報垃圾留言]

[30]

小弟我都一樣!!
7年前開始用和記, 我住荔園那裏的,因新居入伙,全個屋苑都係和記鋪線的,所以就自然用和記係會最好!!
但兩年後問題就出現了. 先是5:00PM後上網會超慢及無/斷IP(每月4次每次長達至明早),而且出現次數漸多.之後連電話都有問題,打入時會自動CUT線. 最初(即第三年)好快會有人處理.
到第四年個問題都仍然存在,無/斷IP每3日1次每次長達至24小時後,最長那次是 4 DAY.不過最激是 3 DAY那次,吾叫人上門CHECK不只,還返責是我的電腦傳收/送出大量數據,道致他們的系統出當機,所以停左我個NETWORK, 於是我叫他立即CHECK吓我條LINE,是否還有送出大量數據. 30min後,佢CALL返我話條LINE仍然有問題. 我回他說,我個network插座都無插線已有兩小時了(其實係我自己之前拔了忘記插返),這指出了和記是斷估的. 於是他覆我再check,再4小時後回覆正常!! 再再4小時後佢打來問我上綱ok嗎? 那時當然ok la,你開返我個account.
**補:自第四年開始個電話我打左半day才有人接!!
最後一次出事情況都差不多,不過因為合約還有兩個月,算,我同佢講我吾會續約.
之後我便傳到hkbn bb25, 上網快過以前. 有時如果個network down左都會 1 小時解決, 最多個次係最近斷左2day線,第2日有人上門修,不過原來係自己個加長的network插座panel消左.可能係自己個rounter引致.不過hkbn吾收錢地幫我換左.
現在用左hkbn近 3 年了都無什麼問題....而且月費就一樣,50M,仲多左個家居電話同bbtv


[引用] | 作者 nothing_can_say | 16th Sep 2010 | [舉報垃圾留言]

[29] Re: UncleRay
UncleRay :

其實我語氣都好激動。最後他們會免去我三個月的費用,並保證以後沒有問題。
又睇下點!


和記個傳統就系既﹐但和記便宜﹐同埋同有線﹑香港寬頻比都算講滴道理﹐
我2000年用和記電話﹐03年開始用第1隻電聯寬頻﹐2005年加多1隻﹐和記麻煩沒斷過﹐先系上網用唔到﹐激死系和記滴維修系2﹑4﹑6先上門﹐我星期5晚送貨﹐就壞﹐電1222等足40分鐘﹐被告知要下星期2先有維修﹐結果星期2修唔惦﹐星期4再修。第2隻上網仲慘﹐少野同埋電線頭同moden插頭唔岩﹐又搞一餐﹔續期時又搞錯﹐明明提供2個服務﹐卻要收3部錢﹐仲搞到收數公司添﹐最後話有員工非法使用我戶口﹐已經炒左。至於電話就是經常壞﹐﹐換零件換晒都沒有用﹐最後由資深師傅修先惦。
我阿媽無信邪﹐用3無線上網﹐發覺太慢﹐就沒用﹐但繼續系屈臣記去交錢﹐2年合約沒辦法﹐頭年沒問題﹐之後無喇喇被和記追數﹐原來我卑左6個月錢﹐和記竟然話有4個月收唔到錢﹐所以一早cut服務加追數﹐好彩有保留收據﹐同和記姓錢個服務部頭交涉﹐要求提前和記提前4個月解約﹐和記竟然囂張話和約唔改得﹐態度好差﹐我真系火滾﹐話“我知妳公司有後台﹐李超人可以收錢不提供服務不算毀約﹐我蟻民就應該卑你當提款機﹐你將妳個話謝羅來卑我﹐我羅去電訊管理局去評下理先﹗香港到底系唔系李家搞左2個鐘﹐先將無提供到服務日期豁免交錢。


[引用] | 作者 hydra | 26th Aug 2010 | [舉報垃圾留言]

[28] 了不起的服務態度

身同感受的遭遇,實在投訴無門,和記熱線電話從來做不到轉線到投訴部及客戶關注組。和記的服務態度真了一起,要求轉台時,萬樣要求都答應,講過的事不算賬亦無人跟進,真心講句,唔使錢都唔好用和記。


[引用] | 作者 極度氣憤的用戶 | 5th May 2010 | [舉報垃圾留言]

[27] 我也中了招

我搬去天水圍天晴村三期,和記話末有舖網,而且不知幾時才有舖網,不可給我搬遷,但又不和我解約,我現在正上消費者委會投訴。


[引用] | 作者 明哥仔 | 4th May 2010 | [舉報垃圾留言]

[26]

你 EQ 又真係好高wu~~~~


[引用] | 作者 悟樂 | 10th Sep 2009 | [舉報垃圾留言]

[25]

和記電話要 cut ,Fax 完資料又話要填 FOrm ,又話24 小時內 Fax 資料,48 小後又無影,再打1220 又話即刻做到,但因我用 plan ,去到 2010 年3月,依家cut 要比 $1100,Package 完要比 $700,我話要 Package 完,要現在拿中止 Form,佢又話要 3 日後先覆,我話這3日又要收我錢?佢話係,最後我撞唔順佢地的行政混亂,比 $1100 即 cut


[引用] | 作者 MO | 11th Aug 2009 | [舉報垃圾留言]

[24]

終止合約是很煩人的事,你現在搞掂了嗎?

我以前用PXXW家居電話,因為用量少而終止服務,對方理解情況,馬上表示可以減價,我還是要終止服務,對方要我用書面寄給他們,真煩呢。

Maisy
[引用] | 作者 Maisy | 11th Jul 2009 | [舉報垃圾留言]

[23]

Uncle Ray,
盧海鵬試咪,後面同樣五個字。至今在電視台做收音既仁兄們,咪被佢問候令壽堂囉。無仇報架,淨計輩份都被佢食死晒!


[引用] | 作者 i-Joel | 9th Jul 2009 | [舉報垃圾留言]


好似又聽過這個笑話。

[引用版主回覆] | 作者 UncleRay | 10th Jul 2009

[22] UncleRay

So they did acknowledge finally what they did was wrong. What did you have to do, or who did you have to talk to at the end to get them to acknowledge? Did you threaten them with going to the newspapers?


[引用] | 作者 The Teacher | 9th Jul 2009 | [舉報垃圾留言]

[21]

嘗試black&white投訴,仲要去他的母公司,應該會有人理你!客戶服務一定dump你,但公關或者傳訊部門就一定會緊張D.試試看!good luck!

勁之
[引用] | 作者 勁之 | 9th Jul 2009 | [舉報垃圾留言]


謝建議!

[引用版主回覆] | 作者 UncleRay | 9th Jul 2009

[20]

電信公司都是這樣的,和記也好、i-cable也好、甚至pccw,四個字「易請難送」。此四字唔係我講,係一個電信公司sales講出,安裝時快如閃電,cut機時推三推四。


[引用] | 作者 NG768 | 8th Jul 2009 | [舉報垃圾留言]


的確是有這個現象。

[引用版主回覆] | 作者 UncleRay | 9th Jul 2009

[19] Re: The Teacher
The Teacher : In the civilized world, a customer wishing to terminate service simple stops paying. The service provider has no legal rights to do anything other than to terminate service.

Yes, but in the civilized world, they could 照計客戶使用費 all they want, but consumers are protected by law and not obligated to pay it.


[引用] | 作者 The Teacher | 7th Jul 2009 | [舉報垃圾留言]


現在他們會免我三個月電話費,又保證以後無事,所以繼續用下去。

[引用版主回覆] | 作者 UncleRay | 7th Jul 2009

[18]

我係絕對唔會用 和記的
出左名差... 同 icable 有得揮~


[引用] | 作者 Wing | 7th Jul 2009 | [舉報垃圾留言]


現在我知道了。

[引用版主回覆] | 作者 UncleRay | 7th Jul 2009

[17]

遲早將客戶來電飛晒去大陸的call centre,俾D講唔鹹唔淡廣東話的職員同你講添呀。

Chris
[引用] | 作者 Chris | 7th Jul 2009 | [舉報垃圾留言]


這個絕對有可能發生。

[引用版主回覆] | 作者 UncleRay | 7th Jul 2009

[16]

uncle ray, 有冇透過email作投訴? 我早前買家電好唔愉快, 最後都要行到lee一步至得到合理的回覆!

p.s. by the way, 你真係好有禮貌, 如果我係你, 去到case2 or 3我一定會變得好激動同佢嘈....


[引用] | 作者 bebe | 6th Jul 2009 | [舉報垃圾留言]


其實我語氣都好激動。最後他們會免去我三個月的費用,並保證以後沒有問題。

又睇下點!

[引用版主回覆] | 作者 UncleRay | 7th Jul 2009

[15]

我屋企都係用和記(寛頻+電話),我用到連個維修部既鬼仔都認得我啦大佬...

Wisteria
[引用] | 作者 Wisteria | 6th Jul 2009 | [舉報垃圾留言]


有鬼仔識咁好?有沒有鬼妹?

[引用版主回覆] | 作者 UncleRay | 7th Jul 2009

[14]

haha, 你既忍耐力好強呀, 如果係我, 咁樣比人點黎點去, 我已經發左脾氣啦~

戴
[引用] | 作者 | 6th Jul 2009 | [舉報垃圾留言]


我都有發脾氣,只係差沒說粗口了。

[引用版主回覆] | 作者 UncleRay | 7th Jul 2009

[13]

you are so nice to them indeed! Well I never to use HGC, but cause I worked in PCCW b4, I know their trick things!What should I say - PCCW is the only choice


[引用] | 作者 Carmelina | 6th Jul 2009 | [舉報垃圾留言]

大概pccw也是我最終的選擇。

[引用版主回覆] | 作者 UncleRay | 7th Jul 2009

[12]

第一個留言都幾得意。


[引用] | 作者 mingmanfred | 6th Jul 2009 | [舉報垃圾留言]


你覺得得意。我想拿刀斬人 :)

[引用版主回覆] | 作者 UncleRay | 6th Jul 2009

[11]

我家都用和記,不足一年三個月、壞了三大次!仲次次都係星期六日先搞到上唔到網!最低能係佢地條所謂24小時CS-Hotline,夜晚同星期日都冇CS主任On Duty的,會由維修部直接聽電話,態度奇差!但因為爆佢粗佢可以收線而令我「欲言又止」!次次都係話同我reset條line~叫我遲D試下,但冇一次得!感覺只係想耍我~等我打幾次黎唔得就放棄,等office hour再搵CS!

其實李生D服務一向都係咁!不過由於當時搬入黎係得佢一間同NOW有cover,而NOW又真係貴到死先至焗住上!


[引用] | 作者 YP | 6th Jul 2009 | [舉報垃圾留言]


日後有機會轉好轉了。

[引用版主回覆] | 作者 UncleRay | 6th Jul 2009

[10]

追你時千依百順,得手後當你地底泥,只能嘆一句:盧海鵬試咪!

包包
[引用] | 作者 包包 | 6th Jul 2009 | [舉報垃圾留言]


迷底是甚麼呢?

[引用版主回覆] | 作者 UncleRay | 6th Jul 2009

[9]

和記出左名, 平, 也出左名, 有問題時服務超差.


[引用] | 作者 葉一知 | 6th Jul 2009 | [舉報垃圾留言]


我現在是完完全全的體會。

[引用版主回覆] | 作者 UncleRay | 6th Jul 2009

[8]

原來和記真係咁差架,
我之前用過佢哋嘅平價電話咭服務,
都係咁差,
好彩無CONTRAST鎖身,
用咗半個月就無用,
剩返啲錢就豪畀佢,
費事煩!

好耐無用家居電話,
全用手提了!


[引用] | 作者 新鮮人 | 6th Jul 2009 | [舉報垃圾留言]


我因為有需要打idd,所以要用家居電話。

[引用版主回覆] | 作者 UncleRay | 6th Jul 2009

[7]

競爭激烈,各公司都會各出奇謀去搶客留客,不過我覺得李生旗下公司最不擇手段,最沒社會責任...

旺角弼街花園街附近避車處長期有流動電話公司以數部24座巴士作流動辦公室招客,停車不熄匙,廢氣熱氣擾途人,最常見的是3和 PCCW 的車!

另紅勘黃埔花園那麽大,只有Park'N Shop, Watsons, 3, Fortress, 7-11...其他競爭對手,多多錢也不租地方給你。

老李生曾經說過:不義而富且貴,於我如浮雲, 大家信嗎?


[引用] | 作者 馬克 | 6th Jul 2009 | [舉報垃圾留言]

通知環保機構好了。

李生說的話當然不值一信。

[引用版主回覆] | 作者 UncleRay | 6th Jul 2009

Next